arm.sputniknews.ru. Մոսկվայում հանդիպել են Ռուսաստանի Դաշնության արտաքին գործերի նախարարի տեղակալ Միխայիլ Գալուզինն ու Ռուսաստանի Դաշնությունում Հայաստանի Հանրապետության արտակարգ և լիազոր դեսպան Գուրգեն Արսենյանը։ Այս մասին հայտնում է ՌԴ արտաքին գործերի նախարարությունը։
Հանդիպումը կայացել է Մոսկվայում` ապրիլի 20–ին։ Կողմերը քննարկել են երկկողմ հարաբերություններին վերաբերող մի շարք արդիական հարցեր՝ հաշվի առնելով վերջին շրջանում բարձր մակարդակով կայացած ռուս-հայկական բանակցությունների արդյունքները։
Հանդիպման ընթացքում անդրադարձ է կատարվել համագործակցության տարբեր ուղղություններին՝ նպատակ ունենալով գնահատել արդեն ձեռք բերված պայմանավորվածությունների իրագործման ընթացքն ու հետագա քայլերը։
