Թուրքիայի նախագահ Ռեջեփ Թայիփ Էրդողանն ապրիլի 24-ին Պոլսո Հայոց պատրիարքությանն ու Թուրքիայի հայ համայնքին ուղերձ է հղել, որն ընթերցվել է Ստամբուլի հայկական Սուրբ Հակոբ եկեղեցում Հայոց ցեղասպանության 111-րդ տարելիցի պատարագի ժամանակ։
Էրդողանը, կրկին չօգտագործելով Հայոց Ցեղասպանություն եզրույթը, պնդել է, թե Օսմանյան կայսրության հայերը զոհվել են Առաջին համաշխարհային պատերազմի դժվարին պայմաններում՝ նշելով, որ հարգանքով են հիշում և ցավակցություն հայտնում զոհվածների սերունդներին։
Էրդողանը նշել է, թե Օսմանյան կայսրության փլուզումն ուղեկցվել է բախումներով, հրոսակախմբերի շարժումներով, ահաբեկչություններով, համաճարակներով, ինչի ընթացքում մեծ տառապանքներ կրած ժողովուրդներից են եղել նաև հայերը։
«Խաղաղության, բարօրության, եղբայրության հիման վրա ավելի ցանկալի օրերի հասնելու համար մենք գործում և պայքարում ենք բոլոր հայրենակիցների և բարեկամների հետ՝ անկախ նրանց ազգային և կրոնական պատկանելությունների։
