azatutyun.am Մալիի մայրաքաղաք Բամակոյում և երկրի ներքին շրջանների մի քանի բնակավայրերում կրկին պայթյունների ձայներ են լսվել: Մալիի բանակը հայտնել է, որ տարբեր խմբեր համակարգված հարձակումներ են սկսել:
Մայրաքաղաքի ռազմաբազայի մոտ զինվորներ են տեղակայվել՝ տարածքում ճանապարհները փակելու համար, Reuters-ին ասել է ականատեսը:
Մոտավորապես նույն ժամանակ նմանատիպ անկարգություններ են տեղի ունեցել կենտրոնական Սևարե քաղաքում, ինչպես նաև Մալիի հյուսիսում գտնվող Քիդալ և Գաո քաղաքներում:
«Ամենուր կրակոցներ են լսվում», – ասել է Սևարեի ականատեսը:
Մալին պայքարում է «Ալ Քաիդայի» և «Իսլամական պետության» Արևմտյան Աֆրիկայի ստորաբաժանումների ապստամբությունների դեմ: Բացի այդ, երկիրը բախվում է երկրի հյուսիսում տուարեգների գլխավորած՝ շատ ավելի վաղ մեկնարկած ապստամբության դեմ:
Շարունակությունը՝ սկզբնաղբյուր կայքում
