Հայաստանի «Զվարթնոց» միջազգային օդանավակայանում ադրբեջանական ինքնաթիռ է այսօր վայրէջք կատարել։
ՀՀ քաղաքացիական ավիացիայի կոմիտեից Sputnik Արմենիային հայտնեցին, որ ինքնաթիռով ադրբեջանական պատվիրակություն է ժամանել Երևան, սակայն այլ մանրամասներ չհայտնեցին։
Ադրբեջանական պատվիրակությունը ղեկավարում է երկրի փոխվարչապետ Շահին Մուստաֆաևը՝ հայտնում է ադրբեջանական Report-ը:
Նշենք, որ Մուստաֆաևը Հայաստանի և Ադրբեջանի միջև պետական սահմանի սահմանազատման պետական հանձնաժողովի նախագահն է։
