azatutyun.am Եվրոպացիները պետք է ավելի մեծ պատասխանատվություն ստանձնեն իրենց անվտանգության համար, այս մասին այսօր հայտարարել է Գերմանիայի պաշտպանության նախարար Բորիս Պիստորիուսը՝ ի պատասխան Գերմանիայից 5000 զինծառայողներին դուրս բերելու ԱՄՆ-ի ծրագրի վերաբերյալ հայտարարության։
«Գերմանիան այս առումով ճիշտ ուղու վրա է»,- ասել է Պիստորիուսը՝ մատնանշելով Բունդեսվերի զինված ուժերի ընդլայնումը, սարքավորումների ավելի մեծ և արագ ձեռքբերումը և ենթակառուցվածքների կառուցումը։
Պենտագոնը նախօրեին հայտարարեց, որ ԱՄՆ-ն ՆԱՏՕ-ի դաշնակից Գերմանիայից դուրս կբերի 5000 զինծառայողի։
Պիստորիուսը Գերմանիայում տեղակայված ԱՄՆ զորքերի ներկայիս թիվը գնահատել է «գրեթե 40,000»:
Վաշինգտոնի կողմից պաշտպանական ծախսերի վերաբերյալ կոշտ քննադատությունից հետո՝ ՆԱՏՕ-ի եվրոպական անդամները, այդ թվում՝ Գերմանիան, խոստացել են ավելի մեծ պատասխանատվություն ստանձնել իրենց սեփական պաշտպանության համար:
Շարունակությունը՝ սկզբնաղբյուր կայքում
