factor.am Իսպանիայի վարչապետ Պեդրո Սանչեսին տեղափոխող ինքնաթիռը կիրակի երեկոյան տեխնիկական խնդրի պատճառով արտակարգ վայրէջք է կատարել Թուրքիայում։ Այս մասին հայտնել է Իսպանիայի կառավարությունը՝ հաստատելով ավելի վաղ հրապարակված լրատվամիջոցների տեղեկությունները․գրում է france24-ը։
Հաղորդվում է, որ Սանչեսը մեկնում էր Հայաստան՝ մասնակցելու Եվրոպական քաղաքական համայնքի գագաթնաժողովին, սակայն միջադեպի պատճառով ստիպված է եղել չնախատեսված կանգառ կատարել Անկարա քաղաքում, Թուրքիա։
Սպասվում է, որ իսպանական պատվիրակությունը երկուշաբթի օրը կշարունակի ճանապարհը դեպի Երևան, որտեղ նախատեսվում է եվրոպական երկրների առաջնորդների հանդիպումը։
