azatutyun.am Եվրոպական քաղաքական համայնքի գագաթնաժողովի շրջանակներում Երևանում է արտաքսման մեջ գտնվող բելառուսցի ընդդիմադիր գործիչ Սվետլանա Տիխանովսկայան: Նա հանդիպել է Ֆրանսիայի նախագահ Էմանուել Մակրոնի և Ալբանիայի վարչապետ Էդի Ռամայի հետ:
«Շնորհակալություն ձեր առաջնորդության և մեզ հետ միասնական լինելու համար դժվարին ժամանակներում։ Ազատության, անվտանգության և ժողովրդավարական արժեքների նկատմամբ մեր համատեղ նվիրվածությունը մեր մայրցամաքը պահում է ուժեղ», – գրել է Տիխանովսկայան X-ի իր էջում։
Տիխանովսկայան ավելի վաղ էլ X-ում նշել էր. «Հինգերորդ անգամ Եվրոպական քաղաքական համայնքի գագաթնաժողովում, և առաջին անգամ՝ Հայաստանում»:
