factor.am Հիանալի էր լինել Երևանում՝ ՀՀ վարչապետ Նիկոլ Փաշինյանի կողմից հյուրընկալվող Եվրոպական քաղաքական համայնքի 8-րդ գագաթնաժողովին մասնակցելու համար։ Այս մասին X-ի իր միկրոբլոգում գրել է ՆԱՏՕ-ի գլխավոր քարտուղար Մարկ Ռյուտեն։
«Ավելի բարդ անվտանգության միջավայրում համատեղ աշխատանքն ավելի կարևոր է, քան երբևէ՝ մեր հասարակություններն ավելի ուժեղ և անվտանգ դարձնելու համար։ ՆԱՏՕ-ն շարունակում է առանցքային դեր խաղալ որպես դաշնակիցների անվտանգության անկյունաքար»,- նշել է Ռյուտեն։
Հիշեցնենք, որ այսօր՝ մայիսի 4-ին, Եվրոպական քաղաքական համայնքի 8-րդ գագաթնաժողովի շրջանակում Մարկ Ռյուտեն հանդիպում էր անցկացրել վարչապետ Նիկոլ Փաշինյանի հետ։
