Մայիսի 5-ին Վարշավայում ՀՀ պաշտպանության նախարար Սուրեն Պապիկյանը հանդիպել է Սլովակիայի փոխվարչապետ, պաշտպանության նախարար Ռոբերտ Կալինյակի հետ: Այս մասին հայտնում են ՀՀ ՊՆ-ից։
«Հանդիպման ընթացքում քննարկել ենք պաշտպանության ոլորտում Հայաստան-Սլովակիա համագործակցությանը վերաբերող հարցեր, անդրադարձել փոխգործակցության հեռանկարներին:
Երկուստեք կարևորել ենք ռազմական կրթության, մասնագիտական փորձի փոխանակման, վարժանքների և ռազմատեխնիկական համագործակցության ուղղությունները։
Պայմանավորվածություն ենք ձեռք բերել համագործակցությանն առաջիկայում գործնական ընթացք հաղորդելու վերաբերյալ»,- նշված է հաղորդագրությունում։
