Մայիսի 6-ին «Երևանյան երկխոսություն» երրորդ միջազգային համաժողովի շրջանակներում ՀՀ ԱԳՆ գլխավոր քարտուղար Դավիթ Կարապետյանը հանդիպել է Հունաստանի արտաքին գործերի նախարարության գլխավոր քարտուղար Դիմիտրիս Սկալկոսի հետ։ Այս մասին հայտնում են ՀՀ ԱԳՆ-ից։
Զրուցակիցները մտքեր են փոխանակել մայիսի 4–5-ը Երևանում կայացած Եվրոպական քաղաքական համայնքի 8-րդ գագաթնաժողովի, ինչպես նաև Հայաստան–ԵՄ առաջին գագաթնաժողովի արդյունքների վերաբերյալ:
Քննարկվել են Հայաստան–Հունաստան երկկողմ հարաբերություններին առնչվող հարցեր։ Կողմերը անդրադարձել են նաև տարածաշրջանային և միջազգային օրակարգի հարցերի լայն շրջանակի, ինչպես նաև Հայաստան–ԵՄ գործընկերության զարգացմանը և այդ համատեքստում Հունաստանի շարունակական աջակցությանը։
