«Ինֆոքոմը» հայտարարում է լրագրող-փորձնակների ընդունելություն։ Եթե ցանկանում եք Ձեր առաջին քայլերն անել հետաքննական և տվյալների լրագրության ոլորտում, ապա այս հնարավորությունը Ձեզ համար է։
Պայմաններ
- Տևողությունը՝ 3 ամիս։
- Զբաղվածությունը՝ շաբաթական 20 ժամ (ճկուն գրաֆիկ)։
- Փոխհատուցում. փորձնակությունը վարձատրվում է։
Ինչ հնարավորություններ կունենաք
- Մշտական մենթորություն հետևյալ ուղղություններով.
- տվյալների հավաքագրում, մշակում և վիզուալիզացիա,
- բաց աղբյուրներով հետաքննություններ,
- հետաքննական և տվյալների հավաքագրման դաշտային աշխատանքներ։
- Համատեղ աշխատանք փորձառու թիմի հետ. ծանոթացում հետաքննական, հետազոտական, տվյալահեն նյութերի ստեղծման մասնագիտական նրբություններին և «ներքին խոհանոցին»։
- Հեղինակային նյութերի պատրաստում. իրականացված աշխատանքների հիման վրա սեփական հոդվածների ստեղծում և հրապարակում «Ինֆոքոմում»։
- Աշխատանքի անցնելու հնարավորություն. փորձնակության ավարտին, իսկ էական առաջընթաց գրանցելու դեպքում՝ նաև ընթացքում, մասնակիցները հնարավորություն կստանան միանալու «Ինֆոքոմի» հիմնական թիմին։
Դիմորդներին ներկայացվող պահանջներ.
- լինել լրագրության, հանրային կապերի, սոցիոլոգիայի, քաղաքագիտության, տվյալագիտության կամ հարակից ոլորտների ուսանող կամ շրջանավարտ,
- վերլուծական մտածողություն և մանրուքների նկատմամբ բացառիկ ուշադրություն,
- հայերենի՝ գերազանց և անգլերենի լավ իմացություն,
- տվյալների և բաց աղբյուրների հետ աշխատանքի բազային գիտելիքները կդիտվեն որպես առավելություն։
Ինչպես դիմել
Մինչև մայիսի 17-ը [email protected] էլ. հասցեին ուղարկել՝
- ինքնակենսագրական (CV)
- առավելագույնը 1 րոպե տևողությամբ ցանկացած ոչ ֆորմալ ձևաչափով մոտիվացիոն վիդեո, որտեղ անհրաժեշտ է ներկայացնել Ձեր ունեցած 3 ամենակարևոր հմտությունները և «Ինֆոքոմին» միանալու մոտիվացիան։
Նամակի թեմա (subject) դաշտում անհրաժեշտ է նշել՝ Internship։
Ուշադրություն․ հայտերը դիտարկվելու են ընթացիկ հիմունքներով, և ընտրվելու են առավելագույնը 4 մասնակիցներ, ուստի խորհուրդ է տրվում չսպասել վերջնաժամկետին:
