Համայնքային ոստիկանության Շենգավիթի բաժնի ծառայողների ձեռնարկած օպերատիվ միջոցառումների շնորհիվ հայտնաբերվել և ձերբակալվել է 1 անձ, հայտնել է ՆԳՆ խոսնակ Նարեկ Սարգսյանը։
«Անձը կասկածվում է այսօր՝ «Հայրենիք» կինոթատրոնի մոտ Երևանի քաղաքապետարանի Շենգավիթ վարչական շրջանի աշխատակազմի առևտրի ծառայության և գովազդի բաժնի մասնագետներին հարվածներ հասցնելու և խուլիգանություն կատարելու մեջ։ Ձեռնարկվում են միջոցառումներ խուլիգանության մասնակից մյուս անձանց հայտնաբերելու ուղղությամբ»,- նշել է նա։
Ավելի վաղ հայտնել էինք՝ Շենգավիթ վարչական շրջանի աշխատակազմի ղեկավարի աշխատակիցների վրա հարձակում էր տեղի ունեցել, նրանցից մեկը ծեծի էր ենթարկվել և գլխին հասցված հարվածի հետևանքով ստացած վնասվածքով տեղափոխվել էր հիվանդանոց:
