Այսօր մեկնարկում է նախընտրական քարոզարշավը. որտեղ են լինելու քաղաքական ուժերը

Այսօր մեկնարկում է հունիսի 7-ին կայանալիք խորհրդարանական ընտրությունների նախընտրական քարոզարշավը:

Քաղաքական ուժերի մի մասը հրապարակել է մայիսի 8-ի քարոզարշավի ժամանակացույցը։

Ժամը 10:00-ին «Ուժեղ Հայաստան» կուսակցությունը քարոզարշավը կմեկնարկի ԱԺ շենքի առջև, որտեղ տեղի կունենա կուսակցության խորհրդի անդամ Նարեկ Կարապետյանի ճեպազրույցը։ Իսկ երեկոյան 19։00-ին Հաղթանակի զբոսայգում (Մայր Հայաստան հուշարձանի մոտ) տեղի կունենա օրն ամփոփող հիմնական միջոցառումը։ Ազգային-ժողովրդավարական բևեռը նույնպես քարոզարշավը կսկսի ԱԺ-ի շենքի դիմաց մամուլի ասուլիսի ձևաչափով։

«Լուսավոր Հայաստան» կուսակցության գրասենյակից /Բաղրամյան 1/ կուսակցության ներկայացուցիչները ժամը 11:00-ին կմեկնեն Երասխ, որտեղից էլ կսկսեն քարոզարշավը։

Գոշավանքում ժամը 11:00-ին կմեկնարկի «Միասնության թևեր» կուսակցության նախընտրական քարոզարշավը։ Կուսակցության ներկայացուցիչները կլինեն նաև Իջևանում և հարակից Աչաջուր, Ազատամուտ գյուղերում։

«Քաղաքացիական պայմանագիր» կուսակցությունը մայիսի 8-ին և 9-ին քարոզարշավ կանցկացնի Սյունիքի մարզում։

«Ժողովրդավարական համախմբում» կուսակցությունը պաշտոնապես կմեկնարկի իր քարոզարշավը Ոսկեպարից:

«Հայաստան» դաշինքն իր քարոզարշավը կսկսի ժամը 18:00-ից Էջմիածնի «Անմար կրակի» հրապարակից։

«Բոլորին դեմ եմ» կուսակցությունը ժամը 14:30-ին հրավիրում է Հանրապետության 56/1`Վերնիսաժի հարևանությամբ «միասին ցեխ շպրտելու քաղաքական ուժերի վրա»։

«Հանուն Հանրապետության» կուսակցության քարոզարշավը 13:30-ից մեկնարկում է Աշտարակ խոշորացված համայնքից։

«Շնորհապետական» կուսակցությունը հայտարարել է, որ Շուշիի ազատագրման 34-րդ տարելիցի կապակցությամբ այսօր՝ ժամը 12:00-ին, լինելու է Եռաբլուր զինվորական պանթեոնում:

Նախընտրական քարոզարշավը կշարունակվի մինչև հունիսի 5-ը։

Հիշեցնենք, որ ընտրություններին մասնակցում է 19 կուսակցություն և դաշինք:

1. «Ռեֆորմիստներ» կուսակցություն

2.  «Բոլորին դեմ եմ» կուսակցություն

3 . «Ուժեղ Հայաստան» դաշինք

4. «Շնորհապետական» կուսակցություն

5. «Նոր ուժ» կուսակցություն

6. «Միասնության թևեր» կուսակցություն

7. «Բարգավաճ Հայաստան» կուսակցություն

8. «Ազգային ժողովրդավարական բևեռ» կուսակցություն

9. «Քոչարի ազգային վերածնունդ և ազգի զարթոնք» կուսակցություն

10. «Հայ ազգային կոնգրես» կուսակցություն

11. «Հանրապետություն» կուսակցություն

12. «Քրիստոնեա-ժողովրդավարական» կուսակցություն

13. «Ալյանս» կուսակցություն

14.  «Դեմոկրատիա, օրենք, կարգապահություն» կուսակցություն

15.  «Ժողովրդավարական համախմբում» կուսակցություն

16. «Քաղաքացիական պայմանագիր» կուսակցություն

17. «Հայաստան» դաշինք

18. «Հանուն Հանրապետության» կուսակցություն

19. «Լուսավոր Հայաստան» կուսակցություն