shantnews.am Ռուսաստանի արտաքին գործերի նախարար Սերգեյ Լավրովը եռօրյա այցով ժամանել է Նյու Դելի, որտեղ նա մասնակցելու է ԲՐԻԿՍ-ի արտաքին գործերի նախարարների հանդիպմանը, որը տեղի կունենա մայիսի 14-15-ը: Կառավարական ինքնաթիռը վայրէջք է կատարել Հնդկաստանի մայրաքաղաքի օդանավակայանում:
Չորեքշաբթի օրը ռուս նախարարը երկկողմ բանակցություններ է վարելու իր հնդիկ գործընկեր Սուբրամանյամ Ջայշանկարի հետ։ Ռուսաստանի արտաքին գործերի նախարարության տվյալներով՝ երկու կողմերը մտադիր են քննարկել Հնդկաստանի առաջնորդ Նարենդրա Մոդիի՝ Ռուսաստան այցի և միջկառավարական հանձնաժողովի նիստի նախապատրաստական աշխատանքները։ Երկու նախարարները կկենտրոնանան Մերձավոր Արևելքի իրավիճակի վրա, ինչպես նաև կքննարկեն էներգետիկայի, առևտրի և տեխնիկական համագործակցության հարցեր։
