azatutyun.am Առողջապահության համաշխարհային կազմակերպությունը (ԱՀԿ) հայտարարում է Կոնգոյի Ժողովրդավարական Հանրապետությունում (ԿԺՀ) և Ուգանդայում էբոլա վիրուսային հիվանդության բռնկման մասին՝ միաժամանակ շեշտելով, որ վիրուսի տարածումն առայժմ չի համապատասխանում համաճարակ հռչակելու համար անհրաժեշտ չափանիշներին։
ՄԱԿ-ի առողջապահական կառույցից շեշտում են, սակայն, որ վիրուսը կարող է տարծվել հարևան երկրներ։ ԿԺՀ-ում և Ուգանդայում հանրային առողջության ոլորտում ստեղծված արտակարագ իրավիճակը «միջազգային մտահոգության» առիթ է, փաստում են ԱՀԿ-ից։
Հաղորդվում է, որ մայիսի16-ի դրությամբ ԿԺՀ-ում գրանցվել է 80 մահ, որի ենթադրյալ պատճառը էբոլավիրուսն է։ Լաբորատոր միջոցներով վիրուսը հայտնաբերվել է ութ մարդու մոտ, ենթադրվում է, որ ևս 246 վարակակիր կա։
Ուգանդայից հայտնում են, որ մայիսի 15-ին և 16-ին լաբորատոր միջոցներով ԿԺՀ-ից ժամանած երկու վարակակրի են հայտնաբերել, մեկը մահացել է։
Սա էբոլայի 17-րդ բռնկումն է ԿԺՀ-ում։
Շարունակությունը՝ սկզբնաղբյուր կայքում
