civilnet.am «Շան տեղ մի դրեք». այսպես է արձագանքել «Ուժեղ Հայաստան» կուսակցության առաջնորդ Սամվել Կարապետյանը ռուսական The Insider-ի հրապարակմանը, ըստ որի՝ 1999-ին Կալուգայում իր ստացած արտասահմանյան անձնագրի տվյալների բազայում աշխատանքի վայրը նշված է՝ ИЦ ФСБ («Անվտանգության դաշնային ծառայության տեղեկատվական կենտրոն»)։
The Insider-ը գրել է․ «1999-ին Սամվել Կարապետյանը Կալուգայում արտասահմանյան անձնագիր է ստացել, և, համաձայն արտահոսած տվյալների բազաների, նրա անձնագրային գործում «աշխատավայր» սյունակում ՆԳՆ-ի (Ներքին գործերի նախարարության) կողմից կատարված նշում կա՝ «Անվտանգության դաշնային ծառայության տեղեկատվական կենտրոն»: Այս նշումը նշանակում է, որ քաղաքացուն ստուգելու դեպքում անհրաժեշտ է նախ դիմել Անվտանգության դաշնային ծառայություն: Ինչպես խմբագրությանը բացատրել է ՆԳՆ օպերատիվ աշխատակիցը, սովորաբար այդպես նշվում են գաղտնի գործակալները, կամ էլ այն օտարերկրացիները, որոնք աշխատում են Անվտանգության դաշնային ծառայության վերահսկողության ներքո»։
Մայիսի 19-ին դատարանի բակում լրագրողի հարցին ի պատասխան՝ Սամվել Կարապետյանն ասել է, որ դա «Նիկոլ Փաշինյանի ձեռքի գործն է»։
«Միայն Նիկոլ Փաշինյանը ФСБ-ի հետ կապ ունի», – ասել է Կարապետյանը՝ հավելելով, որ ծանոթ չէ հրապարակմանը։ լրագրողին հորդորել է ինքնուրույն մեկնաբանել այն։ Կարապետյանը նաև ընդգծել է, որ ինքը 1993-1994-ին է ստացել ռուսական անձնագիր։
