1lurer.am Սիրիայի պաշտպանության նախարարությունը տեղեկացրել է, որ Դամասկոսի Բաբ Շարքի շրջանում ականապատված մեքենայի պայթյունի հետևանքով սիրիական բանակի մի զինվոր է զոհվել, մի քանիսը՝ վիրավորվել։ Այդ մասին հայտնել է Սիրիայում «Լուրեր»-ի թղթակից Զարմիկ Պողիկյանը:
Երեքշաբթի՝ մայիսի 19-ի կեսօրին, երբ սիրիական բանակի ստորաբաժանումները նույն շրջանում՝ նախարարությանը ենթակա կառույցներից մեկի դիմաց, նռնակ էին հայտնաբերել և այն վնասազերծում էին, մի փոքր այն կողմ ականապատված մեքենա է պայթեցվել, ինչի հետևանքով արձանագրվել են մեկ զոհ և առնվազն 18 վիրավոր։
Այդ շրջանում է գտնվում նաև հայ առաքելական Սուրբ Սարգիս եկեղեցին: Պայթյունը որոտացել է տաճարի ոչ անմիջական հարևանությամբ:
Հայ վիրավորներ կամ զոհեր չեն եղել։
