armenpress.am Պակիստանի ներքին գործերի նախարար Մոհսին Նաքվին մայիսի 20-ին մեկնում է Թեհրան՝ իրանցի պաշտոնյաների հետ բանակցություններ վարելու նպատակով։ Այս մասին հայտնում է իրանական Tasnim գործակալությունը։
Սա մեկ շաբաթվա ընթացքում Նաքվիի երկրորդ այցն է Թեհրան։
Պակիստանը հանդես է գալիս որպես հակամարտության միջնորդ և ապրիլի 11-12-ին հյուրընկալել է Վաշինգտոնի և Թեհրանի միջև բանակցությունների առաջին փուլը, սակայն կողմերը համաձայնության չեն հասել։
Այժմ Պակիստանը կրկին քայլեր է ձեռնարկում երկու կողմերին բանակցությունների սեղանի շուրջ բերելու ուղղությամբ։
