arm.sputniknews.ru Այս տարի Հայաստանում 12-րդ դասարանն ավարտում են ավելի քան 22 հազար երեխա, իսկ 9-րդ դասարանը` ավելի քան 39 հազար երեխա։ Այդ մասին այսօր ՀՀ կառավարության նիստի ժամանակ ասաց կրթության, գիտության, մշակույթի և սպորտի նախարար Ժաննա Անդրեասյանը։
Ի դեպ, այսօրվա նիստը կրկին վարում է ՀՀ փոխվարչապետ Մհեր Գրիգորյանը. Նիկոլ Փաշինյանը, նախընտրական քարոզարշավով պայմանավորված, արձակուրդի մեջ է։
Նա հիշեցրեց, որ վաղը` մայիսի 22-ին, Հայաստանի հանրակրթական դպրոցներում հնչելու է «Վերջին զանգը»։ Նախարարը շնորհավորեց բոլոր շրջանավարտներից` մաղթելով հաջողություններ։
«Հուսով եմ, որ օրն իսկապես կանցնի տոնական, դրական տրամադրություններով և առանց որևէ միջադեպի»,- ասաց նախարարը` ավելացնելով, որ վաղն ակտիվ համագործակցելու են ՀՀ ներքին գործերի նախարարության հետ։
Մհեր Գրիգորյանը կես կատակ, կես լուրջ հույս հայտնեց, որ շատ շուտով «Վերջին զանգ» միջոցառումն այլևս չեն կապի ՆԳՆ–ի հետ։
