«Հետևում ենք լուրերին և տեսնում ենք, որ Ռուսաստանում տարբեր որոշումներ են ընդունվում՝ կոնյակների ու ծաղիկների ներկրումն են փակել, Լարսից մեր բեռնատարներն են հետ տալիս։ Սա շատ մտահոգիչ է։ Ռուսաստանի հետ հարաբերությունները փչանում են, և շատերը կարծում են, թե դրանով մենք ավելի ինքնիշխան ենք դառնում, բայց մենք կարծում ենք, որ սա կարող է հանգեցնել Ռուսաստանից ավելի մեծ կախվածության»։
Այս մասին Ֆեյսբուքում հրապարակված տեսանյութում հայտարարել է նախընտրական քարոզարշավի շրջանակում Գորիսում գտնվող «Լուսավոր Հայաստան» կուսակցության ղեկավար Էդմոն Մարուքյանը։
«Ի վերջո, Նիկոլ Փաշինյանը կարող է գնալ և համաձայնվել բոլոր պայմաններին, ինչի արդյունքում ավելի մեծ կախվածություն կունենանք, քան հիմա ունենք։ Մյուս տարբերակն այն է, որ իրավիճակը կարող է էլ ավելի սրվել և կոլապս տեղի ունենալ»,- ասել է նա։
Մարուքյանի թիմակից թիմակից Կարպիս Փաշոյանը նշել է, որ հայ-ռուսական հարաբերություններում առկա է շատ խորը ճգնաժամ, որը կարող է անդառնալի հետևանքներ ունենալ պետության համար։
