Նիկոլ Փաշինյանի իշխանությունը հասկացել է, որ կորցնում է իշխանությունը, ուստի զանգվածային ձերբակալություններ է սկսել ու քրեական գործիքակազմն աշխատեցնում հրահանգավորված և ընտրողաբար։ Այս մասին ֆեյսբուքյան իր էջում գրել է «Մեր ձևով» շարժման մամուլի խոսնակ Մարիաննա Ղահրամանյանը։
«Ալիեւի հրահանգները կատարող իշխանությունը այսկերպ անհաջող կերպով փորձում է ճնշել Հայաստանում փոփոխություններ բերող ուժին, որի օրակարգում առաջնային է կանխել Հայաստանում 300 000 ադրբեջանցիների բնակեցման ծրագիրը»,- նշել է նա։
Հիշեցնենք, որ վերջին օրերին Հակակոռուպցիոն կոմիտեն պարբերաբար հայտնում է «Ուժեղ Հայաստան» կուսակցության կողմից ընտրակաշառք բաժանելու, ընտրություններին ուղղորդելու մասին։ Ըստ կոմիտեի հրապարակած հաղորդագրությունների՝ ձերբակալվել են «Ուժեղ Հայաստան» կուսակցության ներկայացուցիչներ, համակիրներ։
