Արարատ Միրզոյանը մեկնաբանեց երեկ տարածված տեսանյութը, ըստ որի՝ Գյումրիում քարոզարշավի ժամանակ գերիների վերաբերյալ հարցից հետո նա հնչեցրել է «ծնգըլ արեցիք» արտահայտությունը։
«Տեսանյութի սկզբի մասը չկա, որտեղ ինձ անընդհատ հարց են տալիս, և ես ասում եմ՝ չեմ պատասխանում հիմա հարցերին, որովհետեւ հանրահավաքը մեկնարկել է, նորից է այլ հարց հնչում, նորից ասում եմ՝ չեմ պատասխանում, վերջում նորից ասում եմ՝ չեմ պատասխանում, ծնգլ արեցիք, և միաժամանակ, զուգահեռաբար, հանրահավաքի աղմուկի մեջ, երբ ես արդեն հեռացած եմ, հարց է հնչում, բնականաբար, դա լսելի չէ ինձ համար։
Լավ ես չեմ հասկանում՝ որևէ մեկը կարո՞ղ է մտածել, որ լրջորեն գերիների վերաբերյալ հարցին կարելի է ասել՝ «ծնգըլ արեցիք»։ Չափազանց շահագրգիռ պետք է լինել իրականությունը լրիվ հակառակ ներկայացնելու մեջ, որպեսզի էդպես մատուցվի։ Նույնիսկ չգիտեմ՝ մամուլի ներկայացուցիչները՝ Դուք և ձեր գործընկերներն եք տենց ներկայացրել, թե՞ հետո ինչ-որ մեկի հուշումով կամ ուղղորդմամբ էդպես է մանիպուլացվում։ «Ծնգըլ արեցիք» արտահայտությունը վերաբերել է հենց լրագրողների աշխատելաոճին, այլ ոչ թե գերիների խնդրին»,- ասաց Միրզոյանը։
