news.am Հայ ապրանք արտադրողներին չեն սպասում եվրոպական շուկաներում, այնտեղ նրանց անմիջապես կխեղդեն, հայտնել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Եվրամիությանն անդամակցելու Երևանի ծրագրերը։
Պեսկովի բնորոշմամբ՝ Հայաստանի զարգացման բարձր տեմպերն ապահովված են ԵԱՏՄ-ի շնորհիվ։ Երևանը՝ հանձին Միության երկրների, ունի իր ապրանքների իրացման շուկան։
«Հայաստանի գյուղատնտեսական ապրանքներին սպասո՞ւմ են արդյոք եվրոպական շուկաներում։ Պատասխանը միանշանակ է՝ չեն սպասում։ Հայկական հանքային ջրերին և այլն սպասո՞ւմ են։ Ոչ։ Այնտեղ Evian-ը նրանց անմիջապես կխեղդի։ Ակնկալո՞ւմ են արդյոք բելգիացի ադամանդագործները թանկարժեք քարեր Հայաստանից։ Չեն ակնկալում։ Նրանք ունեն լոբբիստական հսկայական կարողություններ՝ Հայաստանից եկող արտադրողին խեղդելու համար։ Նրանք հենց դա էլ կանեն։ Դա շուկա է, այն անողոք է»,- ասել է Պեսկովը «Вести» լրատվական ծառայությանը։
