Պայմանավորված Հանրապետության օրվա առթիվ Երևանի Հանրապետության հրապարակում անցկացվող զորահանդեսով՝ մինչև կեսգիշերն անց՝ 01։00-ն, փակ է լինելու Հանրապետության հրապարակ-Տիգրան Մեծ պողոտա-Քրիստափոր խաչմերուկ հատվածը։
Մինչև 15։00 սահմանափակվելու է երթևեկությունը Աթենքի փողոց – Մաշտոցի պողոտա – Ամիրյան փողոց հատվածում, Տիգրան Մեծի պողոտա – Մհեր Մկրտչյանի փողոց – Խորենացու փողոց – Իտալիայի փողոց – նախկին «Մայրաքաղաքային» գնդի տարածք հատվածում, Աթենքի փողոցից՝ Տիգրան Մեծի պողոտա – Ագաթանգեղոսի փողոց – Գրիգոր Լուսավորչի փողոց – Արգիշտիի փողոց – Աթենքի փողոց հատվածում։
Լրատվամիջոցները հայտնում են, որ մետրոյի կայարանները այս պահին ծանրաբեռնված են։
Երևանի քաղաքապետարանից էլ հայտնել են, որ Հանրապետության հրապարակով ու հարակից փողոցներով անցնող թիվ 22, 33, 44, 97, 54, 58, 67, 7, 11, 16, 20, 23, 27, 34, 43, 61, 47 երթուղիները սպասարկող տրանսպորտային միջոցները շրջանցելու են նշված հատվածները:
