aravot.am ՌԴ անվտանգության խորհրդի քարտուղար Սերգեյ Շոյգուն Ռուսաստանի անվտանգության խորհրդի հովանու ներքո անցկացվող անվտանգության առաջին միջազգային համաժողովում հայտարարել է, որ Հայաստանի և ԱՄՆ-ի միջև ռազմավարական գործընկերության համաձայնագիրը նման է ընտրարշավին օժանդակության, հայտնում է ՏԱՍՍ-ը։
Շոյգուն նաև նշել է, որ չի տեսնում որևէ նախադրյալ Հայաստանում ռուսական ռազմաբազայի գործունեության դադարեցման համար։
«Ինչ վերաբերում է ռուսական ռազմաբազային, ապա այն շարունակում է գործել, և մենք առայժմ որևէ նախադրյալ կամ սպառնալիք չենք տեսնում, որ այդ բազան այնտեղ չլինի»,- ասել է Շոյգուն։
