azatutyun.am Ուկրաինայի դեմ ռուսական հերթական դրոնային հարձակման ժամանակ անօդաչու սարքերից մեկը մտել է Ռումինիայի օդային տարածք և Գալաց քաղաքում հարվածել բազմաբնակարան շենքի տանիքին։
Միջադեպը հաստատել է Ռումինիայի պաշտպանության նախարարությունը։
Ռումինիայի արտակարգ իրավիճակների ծառայության տվյալներով՝ շենքի վերջին հարկում հրդեհ է բռնկվել, երկու մարդ վիրավորվել է։ Հրդեհը մարվել է։
Ուկրաինայի ռազմաօդային ուժերի փոխանցմամբ՝ գիշերը ռուսական դրոններով հարձակում է իրականացվել Ռումինիայի հետ սահմանակից Օդեսայի մարզի ուղղությամբ։
