azatutyun.am Իրանի ֆուտբոլի ազգային հավաքակաը 2026 թվականի Աշխարհի առաջնությանն ընդառաջ արդեն նախավարժանքներ է անցկացնում Մեքսիկայում, սակայն ֆուտբոլիստներն ու անձնակազմը դեռ ամերիկյան վիզաներ չեն ստացել՝ ԱՄՆ-ում կայանալիք խմբային փուլի երեք հանդիպումներն անցկացնելու համար, հայտնել է Մեքսիկայում Իրանի դեսպանը։
Աբոլֆազ Փասանդիդեի խոսքով՝ «հյուսիսում գտնվող երկիրը» չի կատարել Իրանի հավաքականին հյուրընկալելու պարտավորությունը։
«Մենք չգիտենք՝ խաղացողներին տալո՞ւ են նրանց վիզաները», – ասել է դեսպանը։
Թեև նախատեսվում էր, որ Իրանի հավաքականը ԱՄՆ Արիզոնա նահանգում է հանգրվանելու, նրանց կեցավայրը տեղափոխվեց Մեքսիկա՝ հյուսիսարևմտյան Տիխուանա քաղաք։
Իրանի խմբային փուլի բոլոր երեք հանդիպումներն էլ ԱՄՆ-ում են անցկացվելու՝ երկուսը՝ Լոս Անջելեսում, մեկը՝ Սիեթլում։
«Մենք Աշխարհի գավաթին մասնակցում ենք անհավասար պայմաններում», – ասել է Փասանդիդեն՝ ավելացնելով, որ պատերազմի պատճառով «Իրանն ի վիճակի չի եղել ըստ պատշաճի մարզել թիմը»։
Շարունակությունը՝ սկզբնաղբյուր կայքում
