factor.am Այսօր Ռուսաստանից Ադրբեջանի տարածքով Հայաստան կուղարկվի ցորենի և պարարտանյութի ևս մեկ խմբաքանակ։ Ադրբեջանական լրատվամիջոցների հաղորդմամբ՝ Բիլաջարի կայարանից կմեկնեն ցորենով չորս վագոն՝ ընդհանուր 280 տոննա քաշով, և պարարտանյութով չորս վագոն՝ ընդհանուր 277 տոննա։
Ավելի վաղ Ռուսաստանից Հայաստան Ադրբեջանի տարածքով տեղափոխվել է ավելի քան 28,000 տոննա ցորեն, ավելի քան 4,000 տոննա պարարտանյութ, 133 տոննա ալյումին և 68 տոննա հնդկաձավար։
Բացի այդ, Ադրբեջանը նաև նավթամթերք է արտահանում Հայաստան: Մինչ օրս Հայաստան է մատակարարվել ավելի քան 10,000 տոննա դիզելային վառելիք, 979 տոննա AI-92 բենզին և 2,955 տոննա AI-95 բենզին:
