azatutyun.am ԱՄՆ նախագահ Դոնալդ Թրամփը հայտարարել է, որ Վաշինգտոնը մոտենում է Իրանի հետ «շատ լավ գործարքի», բայց ընդգծել է, որ բանակցությունների տապալման պարագայում ռազմական գործողությունների տարբերակը մնում է սեղանին։
«Սա արդեն իսկ հաղթանակ է։ Մենք պարտության ենք մատնել նրանց բանակը, ըստ էության պարտության ենք մատնել նրանց բանակը», – ասել է Թրամփը Fox News-ի մեկնաբան Լարա Թրամփին՝ իր հարսին, տված հարցազրույցում», – «Ես կնախընտրեի գործարք կնքել, քանի որ մենք կարող ենք [Հորմուզի] նեղուցը բացել՝ անմիջապես ստորագրելուց հետո»։
ԱՄՆ նախագահը վերստին շեշտել է, որ Իրանը երբեք չի կարող միջուկային զենք ունենալ, և դա բանակցությունների ենթակա հարց չէ։
«Ես մի երաշխիք պետք է ունենամ, որ միջուկային զենք երբևէ չի լինի», – ասել է նախագահը՝ մանրամասնելով, որ իրանցի բանակցողներն հանձնառություն են հայտնել ոչ միայն չստեղծե,լ այլ նաև չգնել միջուկային զինատեսակներ։
«Դա մեծ տարբերություն է․ ․․ Այսինքն՝ մենք դանդաղորեն ստանում ենք մեր ուզածը», – նշել է Թրամփը։
Իրանի պաշտոնյաներին «շատ պինդ բանակցողներ» անվանելով՝ Սպիտակ տան ղեկավարը հայտնել է, որ թույլ կտա՝ բանակցություններն ընթանան ներկա հունով։
Շարունակությունը՝ սկզբնաղբյուր կայքում
