azatutyun.am Ֆրանսիայում ոստիկանների և ֆուտբոլային երկրպագուների միջև բախումների հետևանքով առնվազն 416 մարդ է ձերբակալվել ՈՒԵՖԱ-ի Չեմպիոնների լիգայի մրցաշարի եզրափակիչ հանդիպումից հետո, որում «Պարի Սեն-Ժերմեն» ակումբը առավելության հասավ Լոնդոնի «Արսենալ»-ի նկատմամբ և երկրորդ տարին անընդմեջ հաղթեց Եվրոպայի ակումբային ֆուտբոլի ամենահեղինակավոր մրցաշարում: Առնվազն յոթ ոստիկաններ վնասվածքներ են ստացել, հաղորդում է Le Figaro-ն՝ վկայակոչելով ՆԳՆ տվյալները:
Փարիզում ձերբակալվել է 283 մարդ, փոխանցել է ներքին գործերի նախարար Լորան Նունյեսը:
Բախումները սկիզբ են առել դեռ խաղի ժամանակ. շուրջ 150 մարդ փորձել է ներխուժել Ֆրանսիայի մայրաքաղաքի «Պարկ դե Պրենս» մարզադաշտ, որում կազմակերպվել էր Բուդապեշտում ընթացող եզրափակիչ հանդիպման հեռարձակումը: Ոստիկանությունն արցունքաբեր գազ է կիրառել և ետ է մղել ամբոխին: Մարզադաշտի մոտ ռեստորան և այլ օբյեկտներ են վնասվել:
Շարունակությունը՝ սկզբնաղբյուր կայքում
