armenpress.am «Հանրապետություն» կուսակցության ներկայացուցիչները հունիսի 7-ին Հայաստանում կայանալիք խորհրդարանական ընտրություններին ընդառաջ քարոզարշավ են անցկացրել Կոտայքի մարզում։
Բնակիչների հետ հանդիպմանը ելույթ է ունեցել կուսակցության ղեկավար, ընտրական ցուցակի առաջին համար, Հայաստանի նախկին վարչապետ Արամ Սարգսյանը։
Սարգսյանն անդրադարձել է ընդդիմադիր որոշ ուժերի կողմից շրջանառվող թեզերին, թե իբր «գործող իշխանությունների վերընտրման դեպքում Հայաստանում 300 հազար ադրբեջանցի է բնակեցվելու»։
«Ռուսական թևի այն կուսակցությունները, որոնք խոսում են 300 հազար ադրբեջանցիներից, չգիտեմ ինչից, ժողովուրդ ջան, Լեռնային Ղարաբաղ ադրբեջանցիների ո՞վ է բերել։ Ռուսաստանի խաղաղապահները չէի՞ն, որ կանգնած էին, ու ադրբեջանցիները եկան Ղարաբաղ։ Ադրբեջանցիներին Նախիջևան ո՞վ է բերել»,- ասել է Սարգսյանը։
Նա հավելել է, որ 2020 թվականի նոյեմբերի 9-ի փաստաթղթի 9-րդ կետը, որը վերաբերում էր տարածաշրջանում կոմունիկացիաների ապաշրջափակմանը և Հայաստանի տարածքով Ադրբեջանի հիմնական մասը Նախիջևանի հետ կապող ճանապարհի տրամադրմանը, հենց ադրբեջանցիներին Հայաստան բերելու մասին էր։
Շարունակությունը՝ սկզբնաղբյուր կայքում
