tert.am Ամերիկացի զինվորականները Hellfire հրթիռով հարված են հասցրել Lexie նավթային տանկերին, որն առանց բեռի ուղևորվում էր իրանական նավահանգիստ։ Այս մասին հայտարարել է ԱՄՆ ԶՈւ Կենտրոնական հրամանատարությունը։
«Կենտրոնական հրամանատարությունն ապահովել է շրջափակման պահպանումը՝ միջոցներ ձեռնարկելով Բոթսվանայի դրոշի ներքո միջազգային ջրերում դեպի Խարկ կղզի ընթացող Lexie տանկերի դեմ։ Նավի անձնակազմը 24 ժամ շարունակ անտեսել է բազմաթիվ նախազգուշացումները և չի կատարել ԱՄՆ ԶՈւ հրահանգները։ Ի վերջո, ամերիկյան թռչող սարքը շարքից հանել է նավը՝ Hellfire հրթիռ արձակելով մեքենայական բաժանմունքի ուղղությամբ, որպեսզի թույլ չտա տանկերին հասնել Իրան», – ասված է հրամանատարության հայտարարության մեջ։
