factor.am Մոսկվան ակնկալում է, որ Հայաստանն ընտրություն կկատարի Ռուսաստանի հետ հարաբերությունների ամրապնդման օգտին։ Այս մասին հայտարարել է Ռուսաստանի փոխարտգործնախարար Սերգեյ Ռյաբկովը։
«Կարծում եմ՝ վերջին շրջանի իրադարձությունները ցույց են տալիս, որ պետք է ընտրություն կատարել։ Մենք ակնկալում ենք, որ ընտրությունը պատմականորեն ճիշտ կլինի՝ Ռուսաստանի հետ ավանդական, խորը, եղբայրական հարաբերությունների ամրապնդման օգտին, որից միշտ շահել և կշարունակի շահել հայ ժողովուրդը»,- Սանկտ Պետերբուրգի միջազգային տնտեսական ֆորումի շրջանակում լրագրողների հետ զրույցում ասել է Ռյաբկովը։
