ՀՀ նախագահ Վահագն Խաչատուրյանն ընդունել է փոխվարչապետ Մհեր Գրիգորյանին և նրան հանձնել «Հայրենիքին մատուցած ծառայությունների համար» 1-ին աստիճանի շքանշանը։ Այս մասին հայտնում են նախագահի աշխատակազմից:
«Վարչապետի միջնորդությամբ նախագահի համապատասխան հրամանագրի համաձայն՝ Հանրապետության տոնի առթիվ, հայրենիքին մատուցած ակնառու ծառայությունների, երկարամյա անխոնջ գործունեության և նվիրումի համար Մհեր Գրիգորյանը պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով։
Հանրապետության նախագահը շնորհավորել է Մհեր Գրիգորյանին բարձր պետական պարգևի արժանանալու կապակցությամբ և մաղթել հաջողություններ հետագա գործունեության մեջ»,- նշված է հաղորդագրությունում։
