armenpress.am Իրաքի իշխանությունները հունիսի 8-ին հայտարարել են անվտանգային միջոցառումների շրջանակում երկրի օդային տարածքը ժամանակավորապես փակելու որոշման մասին։ Այս մասին հայտնում է Associated Press լրատվական գործակալությունը։
Իրաքի քաղաքացիական ավիացիայի վարչությունը հայտարարել է, որ օդային տարածքի փակումը «կանխարգելիչ միջոցառում է»՝ ուղղված է քաղաքացիական ավիացիայի անվտանգության և պաշտպանվածության ապահովմանը։
Գերատեսչությունը հավելել է, որ որոշումը ենթակա է շարունակական վերանայման և վերագնահատման, իսկ ավիաընկերությունները և համապատասխան կառույցները կտեղեկացվեն ցանկացած նոր զարգացումների մասին։
Նախօրեին երկրի օդային տարածքում սահմանափակումներ մտցնելու մասին հայտարարել էր նաև Սիրիան։ Մասնավորապես, փակ են Դամասկոսի օդանավակայանը, ինչպես նաև հարավային օդային միջանցքները։
Իսկ Թեհրանի Մեհրաբադ և Իրանի արևմուտքում գտնվող Քերմանշահ միջազգային օդանավակայանները հայտարարել են բոլոր չվերթների չեղարկման մասին։
Իսրայելը և Իրանն ապրիլին հաստատված հրադադարից հետո առաջին անգամ հունիսի 7-ին վերսկսել հարձակումները։ Պատճառն Իսրայելի կողմից Լիբանանի մայրաքաղաք Բեյրութում իրանամետ «Հեզբոլլահ» շարժման անդամների դեմ իրականացված հարվածներն էին, որն էլ պաշտոնական Թեհրանն անպատասխան չի թողել։
