news.am Լեհաստանը պաշտոնապես սպառազինության մեջ ընդունել է ամերիկյան հինգերորդ սերնդի F-35 կործանիչները, որոնք լեհական զինված ուժերում ստացել են «Հուսար» անվանումը։ Այդ կապակցությամբ երկրում անցկացվել են հանդիսավոր միջոցառումներ և մարտական ավիացիայի ցուցադրական թռիչքներ, հայտնում է Polsat News-ը։
Արարողության շրջանակում F-35 ինքնաթիռները ցուցադրական թռիչքներ են իրականացրել Գդանսկի, Վարշավայի և Կրակովի վրայով։ Երթուղին սկսվել է Վեստերպլատեի վրայով թռիչքով, որից հետո կործանիչները հայտնվել են Վարշավայի երկնքում և թռիչք իրականացրել Վիսլայի երկայնքով՝ Վարշավայի ցիտադելի բարձրության վրա։
Երթուղու եզրափակիչ փուլն անցել է Կրակովի վրայով․ ավիացիոն խումբը նկատվել է Վիսլայի վրա՝ Վավելի բլրի շրջանում։
F-35-ների սպառազինության մեջ ընդունման հանդիսավոր արարողությունը տեղի է ունեցել Լասկում գտնվող 32-րդ տակտիկական ավիաբազայում, որը կդառնա «Հուսար» ստորաբաժանման նոր տունը։
Միջոցառմանը մասնակցել են նախագահ Կարոլ Նավրոցկին, Սենատի մարշալ Մալգոժատա Կիդավա-Բլոնսկան, փոխվարչապետ և պաշտպանության նախարար Վլադիսլավ Կոսինյակ-Կամիշը, ինչպես նաև ԱՄՆ պետքարտուղարի տեղակալ՝ սպառազինությունների վերահսկման և միջազգային անվտանգության հարցերով Թոմաս Դինաննոն։ Ներկա է եղել նաև պաշտպանության նախկին նախարար Մարիուշ Բլաշչակը, որը 2020 թվականին ստորագրել էր ինքնաթիռների գնման պայմանագիրը։
Շարունակությունը՝ սկզբնաղբյուր կայքում
