factor.am Շվեյցարական Նիոնում տեղի է ունեցել Չեմպիոնների լիգայի որակավորման երկրորդ փուլի վիճակահանությունը։
Հայաստանի նորընծա չեմպիոն «Արարատ-Արմենիան» Լատվիայի չեմպիոն «Ռիգայի» արգելքը հաղթահարելու դեպքում որակավորման երկրորդ փուլում կմրցի Մալթան ներկայացնող «Ֆլորիանայի» ու իռլանդական «Շեմրոք Ռովերսի» դիմակայության հաղթողի հետ։
«Արարատ-Արմենիայի» ու «Ռիգայի» դիմակայության պարտվողը պայքարը կշարունակի Կոնֆերենցիաների լիգայում, որի որակավորման երկրորդ փուլում կխաղա «Վարդար» (Հյուսիսային Մակենդոնիա) – «Կուպս» (Ֆինլանդիա) զույգի պարտվողի հետ:
Չեմպիոնների լիգայի որակավորման երկրորդ փուլի առաջին հանդիպումները նախատեսված են հուլիսի 21-ին ու 22-ին, պատասխան խաղերը՝ հուլիսի 28-ին ու 29-ին։
