news.am Պակիստանի և Թուրքիայի արտաքին քաղաքական գերատեսչությունների ղեկավարները հեռախոսով քննարկել են ԱՄՆ-ի և Իրանի միջև համաձայնագիրը և հույս հայտնել, որ ձեռք բերված պայմանավորվածությունները կնպաստեն Մերձավոր Արևելքում երկարատև կայունությանը, գրում է The Guardian-ը։
Ինչպես հայտնել են Պակիստանի արտգործնախարարությունից, երկրի արտգործնախարար Մոհամմադ Իսհակ Դարը հեռախոսազրույց է ունեցել իր թուրք պաշտոնակից Հաքան Ֆիդանի հետ։
Կողմերն ընդգծել են ձեռք բերված համաձայնագրի կարևորությունը և հույս հայտնել, որ այդ քայլը կնպաստի խաղաղության, անվտանգության ամրապնդմանը և զարգացմանը ինչպես տարածաշրջանում, այնպես էլ դրա սահմաններից դուրս։
