azatutyun.am «Մուլտի Գրուպ» կոնցեռնի տասնյակ ընկերություններում այս օրերին տարատեսակ հարկային ստուգումներ են տեղի ունենում, «Ազատության» հարցին ի պատասխան ասաց ԲՀԿ առաջնորդ Գագիկ Ծառուկյանի խոսնակ Իվետա Տոնոյանը:
Տոնոյանն անդրադադարձավ այն հարցին, թե մամուլում տեղեկություններ կան, որ Գագիկ Ծառուկյանին պատկանող «Մուլտի Վելնես» կենտրոն ծանուցում է ուղարկվել՝ կնքված կառուցապատման իրավունքի պայմանագրից հրաժարվելու մասին, արդյոք այս լուրը համապատասխանում է իրականությանը, Ծառուկյանի խոսնակը հաստատեց, որ Երևանի քաղաքապետարանի կողմից պայմանագիրը միակողմանի լուծարելու վերաբերյալ ծանուցագիր են ստացել և, որ վիճարկելու են դատարանում:
«Այդ տարածքը վարձակալությամբ է տրված «Մուլտի Գրուպ» կոնցեռնին մինչև 2065 թվականը: Իրավաբաններն իրենց առարկություններն արդեն իսկ ներկայացրել են: Մենք գնալու ենք իրավական ճանապարհով, որովհետև հասկանալի է, որ մինչև 2065 թվականն ունենալով վարձակալության պայմանագիր մեկ գիշերում, երբ նման որոշում է կայացվում, հասկանալի է, որ քաղաքական կոմպոնենտ է իր մեջ պարունակում: «Մուլտի Գրուպ» կոնցեռնի տասնյակ ընկերություններում են այս օրերին տարատեսակ հարկային ստուգումներ տեղի ունենում»,- հայտարարեց ԲՀԿ առաջնորդ Գագիկ Ծառուկյանի խոսնակ Իվետա Տոնոյանը:
Շարունակությունը՝ սկզբնաղբյուր կայքում
