news.am «Մոլդովան և Հայաստանն այժմ գնում են նույն ճանապարհով, որն ընտրել է Ուկրաինայի խամաճիկային ռեժիմը»։ Դրա մասին Պետերբուրգի միջազգային իրավական համաժողովում հայտարարել է Ռուսաստանի Անվտանգության խորհրդի փոխնախագահ Դմիտրի Մեդվեդևը, հաղորդում է ТАСС գործակալությունը։
Նա նշել է, որ ԽՍՀՄ փլուզումից հետո ՆԱՏՕ-ի դաշինքը «որպես հարվածային ուժ Ռուսաստանի դեմ օգտագործել է խամաճիկային ռեժիմները»։
«Այդպես եղավ Վրաստանի հետ, այդպես պատահեց Ուկրաինայի հետ, որը 2014 թվականին վերածվեց ռուսատյացության բնօրրանի»,- ասել է ՌԴ Անվտանգության խորհրդի փոխնախագահը։
«Ցավոք, այդպես է այժմ տեղի ունենում Մոլդովայի և նույնիսկ, ավա՜ղ, Հայաստանի հետ»,- հայտարարել է Մեդվեդևը։
