azatutyun.am Ադրբեջանի արտաքին գործերի նախարար Ջեյհուն Բայրամովը Գդանսկում անցկացվող Ուկրաինայի վերականգնման համաժողովի ընթացքում հանդիպել է Լեհաստանի արտգործնախարար Ռադոսլավ Սիկորսկու հետ։
Լեհաստանի արտաքին քաղաքական գերատեսչության փոխանցմամբ՝ հանդիպմանը լեհ-ադրբեջանական հարաբերությունների զարգացման հեռանկարներից բացի նախարարները քննարկել են Ուկրաինային աջակցության հարցերը, նաև անդրադարձել են Հարավային Կովկասում տիրող իրավիճակին, տարածաշրջանային գործընթացներին։
