Ռուսաստանից Ադրբեջանի տարանցմամբ դեպի Հայաստան մատակարարման հերթական խմբաքանակն է փոխադրվել։
Ադրբեջանական «ԱՊԱ» (APA) գործակալությունը հայտնում է, որ հունիսի 28-ին Բիլաջարի կայարանից մինչև Բյոյուք Քեսիք է ուղարկվել 770 տոննա կշռով ցորենի 11 վագոն։
Նշվում է, որ մինչ օրս Ռուսաստանից Ադրբեջանի տարանցմամբ Հայաստան է ուղարկվել ավելի քան 34,000 տոննա հացահատիկ, մոտ 8,000 տոննա պարարտանյութ, 133 տոննա ալյումին, 68 տոննա հնդկաձավար և 414 տոննա անտրացիտ (ածուխ)։
