shantnews.am Ոստիկանությունը Դամասկոսի կենտրոնում պայթուցիկ սարքեր է հայտնաբերել նախքան դրանք պայթեցնելը, սակայն ռումբերի վնասազերծման մասնագետները չեն կարողացել դրանք վնասազերծել, հայտնել է Սիրիայի ՆԳՆ-ն։
Դամասկոսում առնվազն 18 մարդ, այդ թվում՝ չորս ոստիկան, վիրավորվել է երկու պայթյունների հետևանքով, որոնք ցնցել են Սիրիայի մայրաքաղաքի կենտրոնը Ֆրանսիայի նախագահ Էմանուել Մակրոնի այցի ժամանակ, ավելի վաղ հայտնել էր ՆԳՆ-ն։
«Տարածքում ստուգումների ժամանակ ներքին անվտանգության ուժերը հայտնաբերել են երկու պայթուցիկ սարք։ Մասնագետները սկսել են ականազերծման նախապատրաստական աշխատանքները, սակայն սարքերը պայթել են դրանց վնասազերծման նախապատրաստական աշխատանքների ժամանակ», – SANA պետական լրատվական գործակալությանը հայտնել է Ներքին գործերի նախարարությունը։
Ավելի վաղ հայտնել էինք, որ Դամասկոսում մի քանի պայթուցիկ սարքեր են պայթեցվել այն հյուրանոցի մոտակայքում, որտեղ կանգ էր առել Ֆրանսիայի նախագահ Էմանուել Մակրոնը:
