««Արարատցեմենտ»-ն աշխատում է ամբողջ հզորությամբ», – Ֆեյսբուքի իր էջում գրել է էկոնոմիկայի նախարար Գևորգ Պապոյանը՝ գրառմանը կցելով տեսանյութ։
Արարատի ցեմենտի գործարանի աշխատանքները դադարեցվել էին հուլիսի 6-ից՝ գործարանի սեփականատեր, գործարար, «Բարգավաճ Հայաստան» կուսակցության նախագահ Գագիկ Ծառուկյանին առնչվող քրեական վարույթի շրջանակում։ Նույն օրը իրավապահները խուզարկություններ էին անցկացրել Գագիկ Ծառուկյանին պատկանող ձեռնարկություններում, այդ թվում՝ Արարատի ցեմենտի գործարանում։
Հուլիսի 9-ին էկոնոմիկայի նախարարի տեղակալը հայտնել էր, որ Արարատի ցեմենտի գործարանը վերսկսել է արտադրական գործընթացը։
