azatutyun.am ԱՄՆ-ի հարվածները Իրանի դեմ հուլիսի 18-ի վաղ առավոտյան ընդլայնվեցին՝ Հորմուզի նեղուցից հասնելով Իրանի կենտրոնական և հարավային շրջանների բազմաթիվ վայրեր։ Դրանք իրականացվել են նաև կործանիչ ինքնաթիռների կիրառմամբ: Իրանն էլ շարունակել է հարվածներ հասցնել Պարսից ծոցի դաշնակիցներին:
ԱՄՆ Կենտրոնական հրամանատարությունը հայտարարել է, որ իր ուժերը «յոթերորդ անընդմեջ գիշերն իրականացրել են Իրանի դեմ հարվածների հերթական փուլը։ Հարվածները նպատակ ունեն շարունակել թուլացնել Իրանի ռազմական կարողությունները»:
Մոտ վեցուկես ժամ անց՝ Իրանի ժամանակով առավոտյան ժամը 5-ին, ԱՄՆ Կենտրոնական հրամանատարությունը հայտնել է, որ հարձակումների այդ փուլն ավարտվել է։
Հաղորդվում է, որ ԱՄՆ ուժերը «հարվածներ են հասցրել վերահսկման և հետախուզական կայաններին, ռազմական լոգիստիկ ենթակառուցվածքներին, ստորգետնյա զենքի պահեստներին և ծովային կարողություններին։ ԱՄՆ-ի ուժերը կիրառել են կործանիչ ինքնաթիռներ, օդային անօդաչու սարքեր»։
Այս հայտարարությունները հնչեցին այն ժամանակ, երբ տեղեկություններ էին տարածվում, որ Հորմուզի ռազմավարական նշանակություն ունեցող նեղուցով երթևեկությունը գրեթե ամբողջությամբ դադարել է՝ կապված ԱՄՆ-ի ուժերի կողմից իրականացված մի շարք գործողությունների և իրանական կողմի կողմից արձակված հրթիռների հետ։
Հուլիսի 18-ին Իրանի պետական լրատվամիջոցները հաղորդել են ԱՄՆ ուժերի կողմից իրականացված բազմաթիվ հարձակումների մասին՝ այդ թվում կործանիչ ինքնաթիռների կիրառմամբ։
Շարունակությունը՝ սկզբնաղբյուր կայքում
