arm.sputniknews.ru Տամբովի մարզում Wildberries-ի լոգիստիկ կենտրոնի վրա ուկրաինական ԱԹՍ-ների հարձակման հետևանքով տուժած 22 մարդ շարունակում է բուժումը հիվանդանոցներում։ Նրանցից ութը ծանր, ևս 14-ը՝ միջին ծանրության վիճակում են։ Այս մասին ՌԻԱ Նովոստիին հայտնել է ՌԴ առողջապահության նախարարի օգնական Ալեքսեյ Կուզնեցովը։
Նրա խոսքով՝ ևս ինը տուժած բժշկական օգնություն են ստացել ամբուլատոր կարգով։
Կուզնեցովը նաև հայտնել է, որ տասը տուժած էվակուացվել են Մոսկվա և բուժվում են Ռուսաստանի առողջապահության նախարարության դաշնային բժշկական կենտրոններում ու քաղաքային հիվանդանոցներում։
«Տասը տուժած ավտոտրանսպորտով և սանիտարական ուղղաթիռներով տեղափոխվել են Մոսկվա ու բուժում են անցնում առողջապահության նախարարության դաշնային բժշկական կենտրոններում և Մոսկվա քաղաքի հիվանդանոցներում»,-ասել է նա։
Շարունակությունը՝ սկզբնաղբյուր կայքում
Հիշեցնենք, որ հուլիսի 18-ին ուկրաինական անօդաչու թռչող սարքերի հարձակման թիրախ էին դարձել Wildberries-ի լոգիստիկ կենտրոնները Տամբովի մարզի Կոտովսկ և Մոսկվայի մարզի Էլեկտրոստալ քաղաքներում։ Ըստ ՌԴ պաշտոնական տվյալների՝ զոհվել էր 7 մարդ։ Wildberries-ի հիմնադիր Տատյանա Կիմը հայտնել է, որ ընկերությունը ֆինանսական աջակցություն կտրամադրի զոհվածների ընտանիքներին ու տուժածներին։
Ուկրաինայի նախագահ Վոլոդիմիր Զելենսկին Տելեգրամի իր ալիքում հայտնել էր, որ գործողությունն իրականացրել են ի պատասխան ուկրաինական քաղաքացիական ենթակառուցվածքներին, քաղաքներին ու համայքներին հասված ռուսական հարվածների։
Այսօր՝ հուլիսի 19-ին Կիևի արտաքին գործերի նախարարի պաշտոնակատարն այսօր հայտարարել է, որ Ռուսաստանը Ուկրաինայի դեմ իրականացրել է պատերազմի մեկնարկից ի վեր ամենախոշոր բալիստիկ հրթիռային հարձակումը․ առնվազն մեկ մարդ է զոհվել, 13-ը՝ վիրավորվել, քաղաքի տարբեր հատվածներում հրդեհ է բռնկվել։
