azatutyun.am Իրանում երկու տղամարդ այսօր կախաղան է հանվել՝ տարեվերջին տնտեսական ծանր պայմանների պատճառով երկրում տեղի ունեցած հակակառավարական բողոքի ակցիաներին վերաբերող մեղադրանքներով, հայտնել են երկրի դատական համակարգից։
Հաղորդվում է, որ Էֆրան Էսֆանդիարին և Գոլ-Մոհամմադ Մոհամմադին մեղավոր են ճանաչվել կենտրոնական Սպահանում «ճանապարհային երթևեկության ցուցանակից ոստիկաններին պարաններով կապելու, քարերով նրանց հարվածելու, նրանց վրա բենզին ցողելու և այրելու մեջ»։
Ըստ մեղադրանքի, երկու տղամարդիկ տեսանկարահանել են սպանության դրվագները և տեսանյութը փոխանցել արտասահմանյան հեռուստաընկերությունների։
Հայտարարությունում չեն նշվել նրանց ձերբակալման կամ դատավարության ամսաթվերը, ինչպես նաև տղամարդկանց տարիքը։
Դեկտեմբերի վերջին սկսված բողոքի շարժումը, որն ի սկզբանե բռնկվել էր ապրուստի թանկության պատճառով, արագորեն վերածվեց լայնածավալ հակակառավարական ցույցերի, որոնք իրենց գագաթնակետին հասան հունվարի 8-ին և 9-ին։
Իրանի իշխանությունները ավելի քան 3,000 զոհի մասին են հայտնել՝ բռնությունները վերագրելով Միացյալ Նահանգների և Իսրայելի կողմից հրահրված «ահաբեկչական գործողություններին», մինչդեռ, ըստ արտերկրում գործող իրավապաշտպան կազմակերպությունների, իրանական անվտանգության ուժերն են կրակ բացել ցուցարարների վրա։
Շարունակությունը՝ սկզբնաղբյուր կայքում
