azatutyun.am Հորդանանում Իրանի գործերի ժամանակավոր հավատարմատարը կանչվել է արտաքին գործերի նախարարություն և բողոքի խիստ նոտա են հանձնել երկրի վրա «Իրանի չարդարացված և բացահայտ հարձակումների» առնչությամբ:
Անցած շաբաթվա ընթացքում Հորդանանը բազմիցս հայտարարել է, որ իր տարածքի վրայով թռչող իրանական հրթիռներ է որսացել:
Արտաքին գործերի նախարարությունում իրանցի դիվանագետին «բողոքի խիստ նոտա է փոխանցվել՝ ընդդեմ Հորդանանի Թագավորության տարածքը թիրախավորող Իրանի դաժան և չարդարացված հարձակումների շարունակման, ինչպես նաև Թագավորության վերաբերյալ իրանական պաշտոնական կառույցների կողմից հնչող սադրիչ հայտարարությունների», հայտնել են Հորդանանի ԱԳՆ-ից։
Գերատեսչության խոսնակ Ֆուադ Մաջալին «վերահաստատել է, որ Ամմանը դատապարտում է իրանական դաժան հարձակումները, որոնք Թագավորության ինքնիշխանության, ինչպես նաև միջազգային իրավունքի և ՄԱԿ կանոնադրության կոպիտ խախտում են»։
Ամմանը դատապարտել է նաև տարածաշրջանում ԱՄՆ մյուս դաշնակիցների թիրախավորումը Իրանի պատասխան գործողությունների ժամանակ՝ համերաշխություն հայտնելով նրանց։
