arm.sputniknews.ru «Բարգավաճ Հայաստան» կուսակցության առաջնորդ Գագիկ Ծառուկյանի հարցաքննությունը ավելի քան 10 ժամ անց ավարտվեց, նրան կրկին տարան «Երևան–Կենտրոն» ՔԿՀ։
«Առերեսում էր կատարվում, այս ամբողջ ընթացքում բացառապես այդ քննչական գործողությունն է կատարվել։ Մենք հարցեր ունեինք տուժող ճանաչված Իրանի քաղաքացուն։ Այդ հարցերին վարույթն իրականացնող մարմինը չէր էլ անդրադարձել։
Տեսնում ենք, որ հիմք են ընդունվել նրանց դատարկ հայտարարությունները, իբրև թե Գագիկ Ծառուկյանն իրենցից գումար է հափշտակել։ Բոլոր հանգամանքները փաստում են, որ հենց իրենք են Գագիկ Ծառուկյանից գումար հափշտակել»,– նշել է Ծառուկյանի պաշտպան Երեմ Սարգսյանը։
