azatutyun.am Մեծ Բրիտանիան Իրանից հետ է կանչել երկրում մնացած դիվանագիտական անձնակազմին՝ Իրանի և Միացյալ Նահանգների միջև սրվող հակամարտության ֆոնին։
«Դեսպանատունը շարունակում է հեռակա աշխատել», – ասված է Արտաքին գործերի նախարարության կայքում։
Դիվանագիտական անձնակազմի մեծ մասին Լոնդոնը Իրանից դուրս էր բերել հունիսին՝ հետևելով եվրոպական այլ երկրների, ինչպես նաև Ավստրալիայի և Նոր Զելանդիայի օրինակին։
Լոնդոնը միաժամանակ ՄԲ քաղաքացիներին խորհուրդ է տալիս չմեկնել Իրան։
